තුන හය නමය යන ඉලක්කම් වල වැදගත්කම ඔබ දැන සිටියේ නම් මුලු විශ්වයේම යතුර ඔබ අතේ.
නිකොලා ටෙස්ලා..
අංක 1 ඔයා මේ ලිපිය අන්තිම වෙනකම්ම කියවන්න කිසිම තැනකදි skip කරන්න හිතන්නවත් එපා.උඩින් පල්ලෙන් කියවන්නත් එපා.මොකද එහෙම වුනොත් 369 ටෙස්ලා ආකර්ෂණ ආකර්ශන නීතිය ගැන ඔයාට හරිහමන් අවබෝධයක් ලබා ගන්න බැරි වෙනවා. එහෙම වුනොත් මේ ක්රමයෙන් සාර්ථක ප්රථිඵලයක් ලබා ගන්න බෑ.ඒ වගේම ඔයාට ඕනෙ කරන හොඳම ටික තියෙන්නෙ ලිපියේ අන්තිමට.මුලා ටික කියෙව්වොත් විතරයි ඔයාට අග ටිකත් හරියටම පැහැදිලි වෙන්නේ.
හරි මොකක්ද මේ 369 ටෙස්ලා method එක කියල කියන්නේ ගොඩක් දෙනෙක් නම අහල තිබුනට මේ ගැන හරියටම දන්න අය ගොඩක් අඩුයි අපේ ජීවිතයට අපිට ඕනි දේවල් ලබාගන්න අපිට එදිනෙදා පාවිච්චි කරන්න පුළුවන් අතිසාර්ථක ආකර්ෂණ ක්රමවේදයක් මේක .
ඔක්කොටම කලින් අපි බලමු කවුද මේ පුදුම සහගත ක්රමය ලෝකය වෙනුවෙන් සොයාගත්තේ එයා මොන වගේ කෙනෙක්ද කියන එක .
ඒ සුවිශේෂී මිනිසාගේ නම මේ වෙද්දිත් ඔයාලා දන්නවා එයා තමයි නිකොලා ටෙස්ලා .ටෙස්ලා ඉපදෙන්නේ 1856 ජූලි 10 වෙනිදා.සුවිශේෂීම කරුණ තමයි ටෙස්ලා ඉපදෙන්නෙ දරුණු අකුණු ගහපු මධ්යම රාත්රියක .ඒ නිසාම ටෙස්ලට අපි කියනවා විදුලියෙන් උපන් දරුවා කියලා .පුදුම සහගත් දේ තමයි මේ අකුණු ගහන මධ්යම රාත්රියේ විදුලියෙන් උපන් දරුවා තමයි පසු කාලයේදී ප්රත්යාවර්ත ධාරාවේ පියා වෙන්නේ.
මොහු තමයි විද්යුතය හා සම්බන්ද බොහෝ නව නිර්මාණ ලෝකයට බිහි කරන්නේ.සරලවම කියනවා නම් ඔයා මම මේ පාවිච්චි කරන දුරකථනය මෙහෙම අතේ තියාගෙන ඒකෙන් ලෝකය හා සම්බන්ධ වෙන්නේ ටෙස්ලා නිසා .තවත් විදියකින් කිව්වොත් අද ලෝකයේ පාවිච්චි වෙන දේවල් වලින් 80% ක්ම හොයාගත්තේ ටෙස්ලා. ඔයා දන්නවා අන්තර්ජාල තාක්ෂණය ලෝකයට බිහි වෙලා තවම අවුරුදු තිහක් වත් නෑ .හැබැයි ටෙස්ලා රැහැන් රහිත අන්තර්ජාල තාක්ෂණය ගැන ලෝකයට මත පළ කළේ 1901 දි තරම් ඈත කාලයක දී .
මිනිසුන් මෙයාට කිවුවේ පිස්සු විද්යාඥයා කියලා .ඒකට හේතුව තමයි ඔහු අකුණු සහ විද්යුතය ආශ්රිතව බොහෝ පර්යේෂණ සිදු කිරීම .ඒ වගේම මොහු මැජික් බලයක් සහිත සුවිශේෂී පුද්ගලයෙක් කියලා කියලා මිනිස්සු අතර යම්කිසි විශ්වාසයක් තිබුණා .බොහෝ දුරට ඒක ඇත්තක් වෙන්නත් පුළුවන් මොකද මේකට හේතුව ටෙස්ලා කියන්නේ විශ්වයෙන් ගන්න පුළුවන් හැම වැඩක්ම ගත්ත මිනිහෙක්.ඔහු විශ්වයෙන් ලැබෙන අසීමිත ශක්තිය ඉතාමත් ප්රයෝජනවත් විදියට පාවිච්චි කරා .
ටෙස්ලා කවදාවත් විවාහ වුණේ නෑ ඒකට හේතුව තමයි විවාහය ඔහුගේ පර්යේෂණ වලට බාධාවක් වෙයි කියලා හිතපු නිසා. ඒ වගේම තමයි ලිංගික හැසිරීම්වලින් බුද්ධි මට්ටම අඩුවෙනවා කියලත් ටෙස්ලා විශ්වාස කරා.
ටෙස්ලා දවසකට නිදාගත්තේ පැය තුනයි.පැය අසූ හතරක් විතර එක දිගට ඇහැරගෙන ඔහු ඔහුගේ පර්යේෂණ වල නිරත උනා කියලා වාර්තා වල සදහන් වෙනවා.ටෙස්ලාට අසාමාන්ය මතක ශක්තියක් තිබිලා තියනවා. ඒ වගේම පිරිසිදුකම ගැන අසාමාන්ය ලෙස ඔහු සැලකිලිමත් වෙලා තියෙනවා .හොඳම උදාහරණය තමයි නැප්කින් 18 කින් ඔහු කෑම මේසයේ තිබුණ ආහාර බඳුන් වෙන වෙනම පිසදමලා තියෙනවා.
tesla කියලා කියන්නේ නව නිපැයුම්කරුවෙක් යාන්ත්රික ඉංජිනේරුවෙක් සහ අනාගත වේදියෙක් .ඔහු කාලය හරහා ගමන් කරා කියලත් සමහරු පවසනවා.නමුත් එහි සත්ය අසත්ය තාවය පිලිබඳ ව නිශ්චිතවම කියන්න බෑ .මම උඩින් කිව්වනේ ඔයාලට අපි පාවිච්චි කරන දේවල් වලින් සියයට අසූවක් විතර හොයාගත්තේ ටෙස්ලා.
අපි නිකමට බලමු ඒ මොනාද කියලා එතකොට ඔයාලට තේරෙයි tesla කියන්නේ විශ්වයෙන් හරියටම වැඩ ගත්ත පුද්ගලයා කියලා.ඒ වගේම ඔහුගේ මේ ක්රමය අපිට කීයටවත් බැහැර කරන්න බෑ කියලා.
දුරස්ථ පාලකය.සරලවම කිව්වොත් ඔයා පුටුවෙ වාඩි වෙලා ටීවී එක පාලනය කරන රිමෝට් එක .මේක හොයාගත්තේ ටෙස්ලා.ඒ වගේම රැහැන් රහිත සන්නිවේදනය .ටර්බයිනය , x කිරණ නියෝන් light tube light . ඒසී මෝටරය .අපි ගෙදර පාවිච්චි කරන බ්ලෙන්ඩරේ ඉදන් කර්මාන්තශාලාවල පාවිච්චි කරන දැවැන්ත යන්ත්ර දක්වා පාවිච්චි කරන්නේ මේ ටෙස්ලා හොයාගත්ත ඒසී මෝටරය .
ඒ වගේම අභ්යවකාශයෙන් එන ගුවන් විදුලි තරංග මුලින්ම රෙකෝඩ් කරපු ලොව පළවෙනි පුද්ගලයාට ටෙස්ලා. ඒ විතරක් නෙමෙයි භූමිකම්පා නිපදවන්න පුළුවන් යන්ත්රයේ නිර්මාණකරු ටෙස්ලා.ඔහු මේ භූමිකම්පා පිළිබඳ පර්යේෂණ කරද්දී ඒ කම්පනය මුලු නිව්යෝර්ක් නගරයට ම දැනුන බව සඳහන් වෙනවා.තවද මේ තාක්ෂණයෙන් ලෝකේ කාලගුණය පාලනය කළ හැකි අතර එය ලෝකේ භයානකම ආයුධය විදියට සැළකෙනවා.
පෘථිවියේ අනුනාද සංඛ්යාව හොයාගත්තේ ටෙස්ලා. වැදගත්ම කරුණ තමයි tesla හොයාගත්ත මේ අනුනාද සංඛ්යාව ඇත්ත කියල හොයාගන්න විද්යාඥයන්ට තවත් අවුරුදු 50ක් ගත වුණා
බෝල අකුණු නිර්මාණය ගැන විද්යාඥයන්ට අදටත් හරියටම හොයාගන්න බෑ .හැබැයි ටෙස්ලා බෝල අකුණු නිර්මාණය කලා කියල සඳහන් වෙනවා.
ඒ වගේම ටෙස්ලාගේ සමහර සොයාගැනීම් වලට පේටන්ට් බලපත්ර ලබා නොදී ඒ දැනුම රහසිගත කරා ඒකට හේතුව තමයි ඒ දැනුම වැරදි පුද්ගලයන් අතට ගියොත් එහෙම සමාජයට ඉතා විශාල අහිතකර බලපෑම් ඇතිවෙන්න පුළුවන් නිසා.
ලෝකයට ටෙස්ලා තරම් සුවිශේෂී මෙහෙවරක් ඉටුකරපු විද්යාඥයෙක් තවත් ඇති කියලා කියලා මම නම් හිතන්නේ නැහැ .ටෙස්ලා විශ්වයෙන් ලැබෙන අසීමිත ශක්තිය නියම විදියට පාවිච්චි කරන ක්රමය හොයා ගත්තා .
මේ අසහාය මිනිසා වර්ෂ 1943 දී නිව්යෝක්හි වල හෝටල් කාමරයක් තුලදී මිය යනවා.ඒ වගේම ඔහුගේ සියලුම පර්යේෂණ කෘති ලිපිගොනු නිබන්ධන ඇමරිකානු ආණ්ඩුව විසින් තමන් භාරයට ගන්නවා.ඒකට හේතුව තමයි දෙවැනි ලෝක යුද්ධය ඒ වෙද්දිත් දරුණුවටම පැවැති කාලයක්.බැරිවෙලා හරි මේ සුවිශේෂී දැනුම සතුරා අතට ගියොත් එහෙම ඒකෙන් ලෝකයට අත්වෙන විනාශය ඇමරිකානු ආණ්ඩුව තේරුම් ගත්තා.
ඔයාලට මේ දේවල් වලින්ම තේරෙනවා ඇති ටෙස්ලාගේ 369 ක්රමය අපිට කීයටවත් බැහැර කරන්න බෑ කියලා.
හරි දැන් අපි බලමු මොකක්ද මේ 369 ක්රමය.අපිට ඕනේ දේවල් ආකර්ෂණය කරගන්න අපි මේක පාවිච්චි කරන්න ඕනි කොහොමද ?
නිකොලා ටෙස්ලා එක වෙලාවකදි කියනවා තුන හය නමය යන අංක වල විශාල වැදගත්කම ඔබ දැන සිටියේ නම් මුළු විශ්වයේම යතුර ඔබ අතේ කියලා .
නිකොලා ගේ ජීවිතයේ බොහෝ දේවල් වලට ඔහු තුන හය නමය කියන ඉලක්කම් තුන සම්බන්ධ කරගත්තා.නිකොලා ටෙස්ලා ගොඩනැගිල්ලකට ඇතුල් වීමට පෙර පවා ඒ වටා තුන් පාරක් ඇවිද්දා.ඔහු තුවා 18 කින් ඔහුගේ පිගන් පිරිසිදු කරා.හෝටල් කාමර වල පවා ජීවත් උනේ තුනෙන් බෙදිය හැකි අංක සහිත හෝටල් වල විතරයි.ඔහු තුන හය නවය කියන අංක සම්බන්ද කරන් පෘථිවිය වටා ඇති නෝඩල් ලකුණු පවා ගණනය කරා.ඔහු ජීවත් වූ පරිසරයේ ඇති දේවල් පිළිබඳව ගණනය කිරීම් කල අතර ඒ හැම ගණනයකින්ම ලද අවසන් ප්රථිඵලය තුනේ ගුණාකාරයක් උනා..
දැන් අපි බලමු මේ දේවල් ඇත්තද කියලා
උදාහරණයක් විදියට
විනාඩියට තත්පර 60 යි.එහි එකතුව බලන්න= 6+0= 6
පැයකට තත්පර 3600 යි.එහි එකතුව බලන්න = 3+6+0+0 =9
දවසකට පැය 24 යි.එහි එකතුව බලන්න.=2+4= 6
අවුරුද්දකට පැය ගාන බලමු
දින 365 × පැය 24 =8760 = 8+7+6+0=21 = 2+1=3
මේ සියලු ගණනය කිරීම් වලින් ලැබෙන ප්රථිඵල එක්කෝ තුන නැත්තම් 6 නැත්තම් 9.
ටෙස්ලා කියනවා 1,2 සහ 4 කියන ඉලක්කම් පාලනය කරන්නේ තුනේ ඉලක්කමෙනුත් 5,7,8 කියන ඉලක්කම් පාලනය කරන්නේ 6 කියන ඉලක්කමෙනුත් 3 සහ 6 කියන ඉලක්කම් භාවිතා කරන්නේ 9 ඉලක්කමෙනුත් කියලා.
අපි දැන් බලමු ටෙස්ලාගේ 3 6 9 කේතය කොහොමද ආකර්ෂණ නීතියේ දී භාවිතා කරන්න කියලා
01.මුලින් ඔයාට ඕනි දේ තෝර ගන්න.ඒක ඉතාම පැහැදිලි ඉලක්කයක් වෙන්න ඕනි
02.දැනටමත් ඒ ඉලක්කය සිද්ද උන වර්තමාන වාක්යයක් විදියට සකසා ගන්න.එය ප්රබල වැකියක් විය යුතුයි.එමෙන්ම ධනාත්මක විය යුතුයි.
03.වැදගත්ම දේ ඔයා හදා ගත්ත වාක්ය අවම ලෙස තත්පර 17 ක්වත් දිග වෙන්න ඕනි
04.ඒ වගේම එම වාක්ය තුල අවම තත්පර 17 ක් ඔබේ අවධානය රදවා ගන්න.
05.මේ දැනුත් එය ඉටු වී ඇති බව සිතෙන් පැහැදිලිව මෙනෙහි කරමින් චිත්ත රූප මවන්න.ඒ හැගීම සතුට මෙනෙහි කරන්න
06.දැන් ඔයා උදෑසන අවදි උන ගමන් ඒ වාක්ය තුන් පාරක් ලියන්න.මෙහිදී ඔබ අනිවාර්යයෙන් ඔබට ලැබුන දේ ගැන ස්තූතිවන්ත වෙන ගමන් ලිවිය යුතුයි.
උදාහරණයක් විදියට මාව විභාගය උසස් ලෙස සමත් කරවීම පිලිබඳව මම ස්තූතිවන්ත වෙමි.
07.එමෙන්ම දහවල් කාලයේදී හය වතාවක්ද රෑට නින්දට යාමට පෙර නම වතාවක්ද මෙය ලියන්න.
08.මෙලෙස දින 21 ක් හෝ (2+1=3) දින 33 ක් හෝ (3+3=6) දින 45 ක් (4+5 = 9) ලිවිය යුතුයි.
ඔයාගේ ප්රථිඵලය ඔයාට මේ අතරතුර හෝ කිසියම් දිනක ලැබෙන්න පුලුවන්.වැදගත්ම දේ අනේ මට ලැබුනේ නෑ කියලා හිතනන් එපා.ඔයා ඒ දේ විශ්වයට මුදා හැරලා නිදහස් වෙන්න.ආයේ ඒ ගැන හිතන්න යන්න එපා.ඔයාට අවශ්ය වෙලාවට විශ්වය ඔයාට ඒ දේ දෙයි.
ඒ වගේම කරුණාකරලා කතෲ අයිතිය සුරකින්න.අවශ්ය කරුනු එකතු කරන් පැය ගානක මහන්සියක් දරලා ලියපු ලිපියක් මේ.ඔබ විශ්වයට වපුරන දේ පමණක් ඔබට ලැබෙන බව විතරක් මතක තබා ගන්න.හොද නම් හොද නරක නම් නරක.ඔයාට මේක ශෙයා කරන්න ඕනි නම් ශෙයා කරන්න.කිසිම ප්රශ්නයක් නෑ.නමුත් කතෲ අයිතිය සුරකින්න.එය කාරුණික ඉල්ලීමක්.ඔයාල හැමෝටම ස්තූතිවන්ත වෙනවා.ජය.
උපුටාගැනීමකි. ( සුදර්ශී හේවගේ)
